بەرگی تایبەتی گۆڤاری «ئیکۆنۆمیست» بۆ ساڵی 2027، کۆمەڵێک مەترسی و گۆڕانکاریی سیاسی، ئابووری، تەکنەلۆژی و ژینگەیی خستووەتەڕوو؛ لەوانەش ئەگەری قەیرانی دارایی، پەرەسەندنی ململانێیە ناوچەییەکان و کاریگەرییەکانی زیرەکیی دەستکرد.
بەپێی ئەو لیستەی بڵاوکراوەتەوە، گرنگترین سیناریۆ چاوەڕوانکراوەکان بۆ ساڵی داهاتوو ئەمانەن:
- داڕمانی بازاڕی پشک و قەرزە جیهانییەکان.
- گەورەترین هێرشی سایبەریی بە پشتبەستن بە زیرەکیی دەستکرد.
- قەیرانی بانکەکان و ڕاکێشانی بەکۆمەڵی پارە لە بانکەکان.
- هێرشکردنە سەر تایوان لەلایەن چین یان دانانی گەمارۆی ئابووری بەسەر ئەو وڵاتەدا.
- پەرەسەندنی گەورەی ملمڵانێ و قەیران لە ڕۆژهەڵاتی ناوەڕاست.
- قەیران لە دابینکردنی نەوتی جیهانی.
- تەقینەوەی حەوزی زیرەکیی دەستکرد و داڕمانی بەشێک لە کەرتی تەکنەلۆجیا.
- پچڕانی بەکۆمەڵی کارەبا لە چەندین وڵاتدا.
- ڕێکخستنەوەی سیستمی داراییی جیهانی.
- سەرکەوتنی مارین لۆ پێن لە هەڵبژاردنی سەرۆکایەتیی فەرەنسا.
- شۆڕش و خۆپیشاندانە بەکۆمەڵەکان لە فەرەنسا.
- پەرەسەندنی ملمڵانێی نێوان ڕووسیا و ناتۆ.
- ناڕێکیی لە بازاڕی قەرزە جیهانییەکان.
- ناچاربوونی بانکە ناوەندییەکان بە چاپکردنەوەی پارە.
- پچڕانی پەیوەندییە جیهانییەکان.
- دۆزینەوەی ڕێگایەکی نوێ بۆ چارەسەری نەخۆشییەکان و دروستکردنی ڤاکسین.
- کەمبوونەوەی گەورەی خۆراک و تێکچوونی زنجیرەی دابینکردن.
- شەپۆلی گەرمای تێکشکێنەر و زیادبوونی ئاگرکەوتنەوەی دەشتاییەکان.
- فراوانبوونی چاودێریی بەکۆمەڵ لە جیهاندا.
- قەیرانێکی سیاسیی گەورە لە ئەمریکا کە دۆناڵد ترەمپ تێیدا دەور دەبینێت.
- ڕووبەڕووبوونەوەی یەکێتیی ئەورووپا بە قەیرانێکی سیاسیی گەورە.
- بڵاوبوونەوەی ملمڵانێ سەربازییەکان لە چەندین ناوچەی جیهان.
- پشتیوانیی حکومەتەکان لە دراوە دیجیتاڵییەکان.
- دەستپێکردنی قۆناغێکی نوێ لە ڕێکخستنی پەیوەندییە جیهانییەکان.
ئەم خاڵانە پێشبینی و سیناریۆی گشتیین، نەک هەواڵی پشتڕاستکراو یان بڕیارێکی حەتمی. گرنگیی بەرگەکە لەوەدایە کە بە شێوەیەکی گشتی ئەو مەترسییە سیاسی، ئابووری، تەکنەلۆژی و ژینگەییە دەخاتەڕوو کە لەوانەیە لە ساڵی 2027دا کاریگەرییان لەسەر جیهان هەبێت.