سەرۆکی ئەمریکا پێشبینیی ئەوە دەکات کە دوای بەڕێوەچوونی هەڵبژاردنە ناوخۆییەکانی ئەمریکا لە مانگی تشرینی دووەمی داهاتوودا، بۆردومانکردنی ئێران بە شێوازێکی چڕتر دەست پێ بکاتەوە.
ئەمڕۆ پێنجشەممە 1ی تشرینی یەکەم، دۆناڵد ترەمپ سەرۆکی ئەمریکا، لە لێدوانێکیدا بۆ گۆڤاری “تایم” ڕایگەیاند: “ئەنجامدانی هێرشی نوێ بۆ سەر ئێران کارێکی ئەگەردارە.”
ئەم لێدوانەی سەرۆکی ئەمریکا تەنیا یەک ڕۆژ دوای ئەوە دێت کە بە شێوەیەکی گشتی ڕایگەیاندبوو جەنگەکە بە هەر شێوازێک بێت بەم نزیکانە کۆتایی دێت.
ئەم گۆڕانکارییانە لە لێدوانەکانی ترەمپدا ئاماژەیەکە بۆ ئەوەی کە واشنتۆن هێشتا بژاردەی سەربازی وەک ئامرازێکی سەرەکی بۆ فشارکردنە سەر تاران دەهێڵێتەوە، بەڵام ڕەنگە بەپێی ئەجێندای سیاسیی ناوخۆیی ئەمریکا و نزیکبوونەوەی هەڵبژاردنەکان، ستراتیژییەکانی خۆی بۆ ماوەیەکی کاتی گۆڕانی بەسەردا بێت.
