دەستەی گشتیی کەشناسیی عێراق ڕایگەیاند، لەمڕۆ سێشەممەوە شەپۆلێکی بارانبارینی پچڕپچڕ و ناجێگیریی کەشوهەوا بە بڕ و ماوەی جیاواز ڕوو لە ناوچە جیاوازەکانی وڵات دەکات و کاریگەرییەکانی لە ماوەی 10 ڕۆژی داهاتوودا بەردەوام دەبن.
بەپێی ڕاگەیەندراوێکی دەستەکە، لە سێیەکی کۆتایی مانگی تشرینی یەکەمدا بەهۆی یەک لەدوای یەکی سیستەمە کەشوهەواییەکانی پاییزە و جیاوازیی بارستە هەواکان، دۆخێکی ناجێگیر دروست دەبێت.
دەستەی کەشناسی ئاماژە بەوە دەکات، شەپۆلی یەکەم لەمڕۆ سێشەممە دەستپێدەکات و بۆ ماوەی چەند ڕۆژێک بەردەوام دەبێت، کە تێیدا لە ڕۆژانی چوارشەممە و پێنجشەممەدا ئەگەری بارینی تاوەبارانی سووک بۆ مامناوەند، دروستبوونی هەورەبرووسکە، چالاکبوونی خێرایی با و بەرزبوونەوەی تۆز و خۆڵی ناوخۆیی لە هەندێک ناوچەدا هەیە.
بەرزترین پلەی گەرمای پێشبینیکراو لە هەرێمی کوردستان بۆ ئەمڕۆ و سبەی بە پلەی سیلیزی:
| شار و ناوچە جیاجیاکانی هەرێمی کوردستان | سێشەممە | چوارشەممە |
| هەولێر | 29 | 30 |
| سلێمانی | 28 | 29 |
| دهۆک | 28 | 29 |
| هەڵەبجە | 30 | 31 |
| پیرمام | 25 | 27 |
| چەمچەماڵ | 29 | 30 |
| گەرمیان | 33 | 34 |
| زاخۆ | 29 | 30 |
| ئاکرێ | 29 | 31 |
| حاجی ئۆمەران | 23 | 25 |
