لە هێرشێکی فڕۆکەی بێفڕۆکەواندا بۆ سەر کۆگایەکی تەقەمەنی لە ڕۆژئاوای کیێڤ، لانیکەم 37 کەس گیانیان لەدەست دا و 42 کەسی تریش بریندار بوون، هاوکات زیاتر لە 370 کەسیش لە ناوچەکە گوازرانەوە.
ئەمرۆ یەکشەممە 30ی ئابی 2026 تیمور تکاچێنکۆ، پارێزگاری هەرێمەکە ڕایگەیاند: ” لە ئەنجامی هێرشەکەدا 42 کەس بریندار بوون کە 4 کەسیان منداڵن، و لانیکەم 50 خانووی نیشتەجێبوونیش زیانیان بەرکەوتووە.”
لای خۆیەوە، ڤلۆدیمیر زێلینسکی، سەرۆکی ئۆکراینا ئاماژەی بەوەکرد، کە لە کۆگاکەدا فیشەک، مین و تەقەمەنی هەبووە و جەختی کردەوە کە کۆگاکردنی تەقەمەنی لە نزیک ناوچەکانی نیشتەجێبوون پێچەوانەی یاسا و ڕێنماییەکانە.
لە لایەکی دیکەوە سێرهی کۆرێتسکی، سەرۆکوەزیرانی ئۆکراینا، نیگەرانیی خۆی دەربڕی و جەختی لەوە کردەوە کە دوای هێرشەکەی مانگی تەممووز بۆ سەر کۆگایەکی تەقەمەنی لە ڤیشنێڤێی نزیک کیێڤ، کە تیایدا 22 کەس کوژران، وانەی پێویست لەو کارەساتە وەرنەگیراون.
