لیستی مووچەی مانگی تەممووز ڕەوانەی بەغدا کرا

وەزارەتی دارایی و ئابووریی حکومەتی هەرێمی کوردستان ڕایگەیاند کە تیمی تەکنیکی وەزارەتەکە لە ڕێکەوتی 22ی تەممووزی 2026، بە فەرمی لیستی شایستە داراییەکانی مانگی تەممووزی مووچەخۆرانی هەرێم لەگەڵ ڕاپۆرتی تەرازووی پێداچوونەوەی مانگی حوزەیران ڕادەستی فەرمانگەی ژمێریاری لە وەزارەتی دارایی حکومەتی فیدراڵ کردووە، هاوکات بە بڕیارێکی نوێ ناوی 981 فەرمانبەری گرێبەست کە تەمەنیان لە 60 ساڵ تێپەڕیبوو دووبارە خرانەوە ناو لیستی مووچە تا کۆتایی ئەمساڵ.

وەزارەتی دارایی و ئابووریی حکومەتی هەرێمی کوردستان ڕایگەیاند کە تیمی تەکنیکی وەزارەتەکەیان لە ڕێکەوتی 22ی تەممووزی 2026، بە فەرمی لیستی شایستە داراییەکانی مانگی تەممووزی (مانگی 7) مووچەخۆرانی هەرێم لەگەڵ ڕاپۆرتی تەرازووی پێداچوونەوەی مانگی حوزەیرانیان ڕادەستی فەرمانگەی ژمێریاری لە وەزارەتی دارایی حکومەتی فیدراڵ کردووە.

هاوکات لەگەڵ ڕادەستکردنی لیستەکەدا، وەزارەتی دارایی ئاماژەی بە بڕیارێکی نوێ کرد کە تێیدا هاتبوو لەسەر ڕاسپاردەی وەزیری دارایی، ناوی 981 فەرمانبەری گرێبەست کە تەمەنیان لە 60 ساڵ تێپەڕیبوو، دووبارە خرانەوە ناو لیستی مووچە و تاوەکو کۆتایی ئەمساڵ لە خزمەتکردن لە دامودەزگاکاندا بەردەوام دەبن.

ئەم هەنگاوەش دوای ئەوە هات کە پێشتر سەرچاوەیەک لە وەزارەتی دارایی ئاشکرای کردبوو پرۆسەی ئامادەکردنی بەڵگەنامەکان تەواو بووە و ڕوانەکردنی لیستەکان بۆ بەغدا بە مەبەستی خەرجکردنی شایستە داراییەکان لە وادەی خۆیدا جێبەجێ کراوە.