فۆکس نیوز لە ڕاپۆرتێکدا دەڵێت: دەستدرێژی سێکسی کراوەتە سەر هەرزەکارانی دەستگیرکراو، هەروەها دەسەڵاتدارانی ئێران خێزانی خۆپیشاندەرانی کوژراویان ناچارکردووە بڕی 10 ملیار ڕیال بدەن بۆ گەڕاندنەوەی تەرمەکانیان.
ڕۆژی چوارشەممە 21ی کانوونی دووەمی 2026, ئەنجوومەنی نیشتیمانی بەرهەڵستکارانی ئێران [NCRI-US] بە کەناڵی فوکس نیوزی ئەمریکی ڕاگەیاند: “دڕندەیی لە سەرانسەری وڵاتدا بەردەوامە” و گوایە دەستبەسەرکراوان و زیندانیان دەکوژرێن و تەرمەکانیان دەسووتێندرێن.
موحەممەد مووەهیدی، داواکاری گشتی ئێران ڕایگەیاند: “ئێمە دەبێت وەک هەمیشە سوپاسگوزاری ئەو کەسانەبین کە ئەم ئاژاوەگێڕییەیان کوژاندەوە بە چوونە مەیدانەکە لە کاتی خۆیدا.”
ئەم ڕاپۆرتانە لە کاتێکدایە کە حکومەتی ئێران بانگەشەی ئەوە دەکات کە دوای ئەوەی چەند هەفتەیەک نائارامی وڵاتەکەی گرتەوە، بەڵام بە سەرکەوتووانە سەرجەمیان سەرکووتکران.
بانگەشەکانی ڕژێم لە ڕۆژی 25ی خۆپیشاندانەکاندا دەرکەوتن، ژمارەی قوربانییە پشتڕاستکراوەکان گەیشتووەتە 4902 کەس، وە ژمارەی ئەو مردووانەی کە هێشتا لە ژێر پێداچوونەوەدان 9387 کەسن.
