بەهۆی پێکدادانی دوو شەمەندەفەر لە باشووری ئیسپانیا 39 کەس گیانیان لە دەست دا و 75 کەسی دیکەش برینداربوون.
ئێوارەی ڕۆژی یەکشەممە 18ی کانوونی دووەمی 2026، شەمەندەفەرێک کە بە خێراییەکی زۆر لە شاری “مەلەگا”وە بە 300 سەرنشینەوە بەرەو مەدرید دەڕۆیشت، لە نزیک شاری “کۆردۆبا” لە کاتژمێر 7:45 خولەکی ئێوارە خۆی کێشا بە شەمەندەفەرێکی دیکە کە نزیکەی 200 سەرنشینی تێدابوو و لە مەدریدەوە بەرەو ناوچەی “هوێلڤا” دەچوون.
لەلایەکی دیکەوە سەرۆکی هەرێمی ئەندەنوسیا بەیانی ئەمڕۆ دووشەممە 19ی کانوونی دووەمی 2026 ڕایگەیاند: لە ڕووداوەکەی ئێوارەی دوێنێ، 75 سەرنشینی شەمەندەفەرەکان لە نەخۆشخانە خەوێندراون و 15یان برینیان سەختە.
بەپێی زانیارییەکان، یەکێک لەو کەسانەی گیانی لەدەستداوە شۆفێری ئەو شەمەندەفەرە بووە کە لە مەدریدەوە بەرەو ناوچەی هوێلڤا دەڕۆیشت. هەروەها پێشبینی دەکرێت ژمارەی ئەو کەسانەی گیانیان لەدەستداوە زیاتر بێت.
