ئیدارەی خۆسەر لە ڕاگەیاندراوێکی بەپەلەدا چەک هەڵگرتنی گشتی ڕاگەیاند و داوای شەری مان و نەمان دەکات.
ئەمڕۆ یەکشەممە 18ی کانوونی دووەمی 2026 ئیدارەی خۆسەر ڕایگەیاند: حکومەتی دیمەشق پابەندی ڕێککەوتنەکان نەبووە و لە دوێنێوە لە چەندین بەرەوە هێرشیان کردووەتە سەر هێزەکانمان، داوا لە سەرجەم هاووڵاتییانمان دەکەین لە ئامادەباشی دابن.
ئیدارەی خۆسەر ڕاشیگەیاند: سەرەڕای هەوڵی بەردەوام لەگەڵ حکومەتی دیمەشق بۆ کەمکردنەوەی گرژی و ئاڵۆزییەکان، لە هەندێک ناوچە وەک پیشاندنانی نیازپاکی هێزەکانمان کشاندووەتەوە، بەڵام دیمەشق سوورە لەسەر بژاردەی سەربازی.
ئیدارەی خۆسەر بانگەوازی “نەفیرعامی گشتی” بۆ سەرجەم هاووڵاتییانی دەکات، واتە لە حالەتی ئامادەباشیدابن، داواش لە هاووڵاتیان دەکات شارەکانیان بپارێزن و پێکەوە لەگەڵ هێزەکانیان بەرخودان بکەن.
ئەم ڕاگەیاندراوەی بەڕێوەبەرایەتییەکە لە کاتێکدایە کە پێشتر ڕێککەوتن لە نێوان هەسەدە و گرووپە چەکدارەکانی سووریا کرابوو بە کشانەوەی هێزەکانی هەسەدە، بەڵام لەکاتی کشاناوەیان لەلایەن سوپای عەرەبی سووریا هێرشیان کرایە سەر.
