لە هەفتەی ڕابردووە، بارانی بەخوڕ و دروستبوونی لافاو بەرۆکی چەند وڵاتێکی گرتووە و بەگوێرەی زانیارییەکانی فرانس 24 نزیکەی 1,012 هاووڵاتی لە وڵاتانی ئەندەنوسیا، سریلانکا و تایلەند گیانیان لەدەستداوە.
ئەمڕۆ دووشەممە 1ی کانوونی یەکەمی 2025 ماڵپەڕی فرانس 24 بڵاویکردەوە؛ سریلانکا و ئەندەنوسیا ڕۆژی دووشەممە هێزە ئەمنییەکانیان بڵاوکردەوە بە مەبەستی هاوکاریکردنی ڕزگاربووان لەو لافاوە سەختەی کە بەهۆیەوە زیاتر لە هەزار کەس لە چەند وڵاتێکی ئاسیادا گیانیان لەدەستداوە. ئەمەش لە کاتێکدایە هەفتەی ڕابردوو بارانبارینی بەخوڕ سریلانکا، سوماترای ئەندەنوسیا، باشووری تایلەند و باکووری مالیزیای گرتەوە و دۆخی نالەباری کەشوهەوا و دروستبوونی لافاوی لێ کەوتەوە.
بە گوێرەی زانیاریەکانی فرانس 24 کۆی ژمارەی ئەو قوربانیانەی بە هۆی لافاوەوە گیانیان لەدەستداوە لە وڵاتانی ئەندەنوسیا، سریلانکا و تایلەند بریتییە لە هەزار و 12 هاووڵاتی.
فرانس 24 ئاشکرای دەکات لە وڵاتی ئەندەنوسیا 502 کەس گیانیان لەدەستداوە، لە وڵاتی سریلانکا 334 کەس و 176 کەس گیانیان لەدەستداوە.
