کۆمسیۆنی عێراق لیستێکی کاندیدیە دوورخراوەکانی بڵاوکردۆتەوە و 90 کاندید تۆماری تاوانیان هەبووە و 11 کاندیدی دیکەش بڕوانامەیان ساختە بووە، 5 کاندیدیش گیانیان لەدەستداوە.
ئەمڕۆ سێشەممە 21ی ئۆکتۆبەری 2025 کۆمسیۆنی باڵای سەربەخۆی هەڵبژاردنەكانی عێراق، ژمارەی ئەو كاندیدانەی ئاشكرا كرد، كە تا ڕێکەوتی 2025-10-19 لە پرۆسەی هەڵبژاردنی خولی شەشەمی پەرلەمانی عێراق دووخراونەتەوە.
بەگوێرەی راگەیاندراوەکەی کۆمسیۆن تۆ ڕۆژی یەکشەممەی ڕابردوو 19ی ئۆکتۆبەر، بە كۆی گشتی 837 كاندید بە هۆکاری جیاواز دوورخراونەتەوە.
ژمارە و هۆکاری ئەو کاندیدانەی لە پرۆسەی هەڵبژاردنی خولی شەشەمی پەرلەمانی عێراق دووخراونەتەوە:
183 كاندید لەلایەن حزب و هاوپەیمانییەكانەوە دووخراونەوە
130 هۆكاری دیكە
293 لێپرسینەوە و دادپەروەری
90 هەبوونی تۆماری تاوان و بڕیاری دادگا
96 كاندید بەهۆی نەبوونی بەڵگەنامەی کاندیدکردن
20 كاندید لەلایەن دەستەی دەستپاكی دووخرانەوە
11 كاندید بەڵگەنامەی خوێندنیان تەزویر كردووە
3 كاندید خۆیان پاشەكشەیان كردووە
5 كاندید گیانیان لەدەستداوە
6 كاندید كارمەندی وەزارەتی ناوخۆ بوون
بڕیارە لە 2025-11-11 هەڵبژاردنی گشتیی خولی شەشەمی پەرلەمانی عێراق بەڕێوەبچێت و دوو رۆژ پێش ئەوەش دەنگدانی تایبەت بەڕێوەدەچێت.
