ئەیوب عەلی، گۆرانیبێژی کورد بڵاویکردۆتەوە کە لە داهاتوویەکی نزیکدا گۆرانییەک بۆ کوردستان دەڵێن.
لە تۆڕی کۆمەڵایەتی فەیسبووک ئەیوب عەلی، دوو وێنەی لەگەڵ گۆرانیبێژ گارە سازکار بڵاوکردۆتەوە و نووسیوویەتی؛ “لە داهاتوویەکی نزیکدا، لەگەڵ هونەرمەندی خاوەن ئەزموون، گارە سازکار.”
لە بەشێکی دیکەی نووسینەکەی دەڵێت؛ دەنگی کوردبوون، دەنگی خاکی پیرۆز و ئاڵای کوردستان، سترانێک بۆ کوردستان.
ئەم پۆستەی ئەیوب عەلی، ئاماژەیەکە بۆ بڵاوکردنەوەی نوێترین بەرهەمی بە هاوبەشی لەگەڵ گارە سازکار بۆ کوردستان دوای تێپەڕبوونی 10 ساڵ بەسەر گۆرانی “کوردم”.
گارە سازکار خەڵکی باشووری کوردستانە و لە 1980 بووەتە پێشمەرگە و لە هەمان ساڵدا دەستی بەکاری هونەری کردووە.
دە ساڵ لەمەوبەر ئەو دوو هونەرمەندە گۆرانی “کوردم”یان بڵاوکردەوە، کە دەنگدانەوەیەکی زۆری لە هەر چوار پارچەی کوردستان بەدەستهێنا.
