دانیشتووانی گوندی حەلەب لە سووریا، تەرمی پێشنوێژی مزگەوتێکیان بە ناوی (شێخ عەبدوڵرەحمان جاعید) دۆزییەوە کە بە گوللە لە سەری دراوە. ئەمە دوای ئەوە دێت کە کەسوکاری قوربانییەکە ڕایانگەیاندبوو مەلایەک بە ناوی مارەبڕین لە ماڵەکەی بردراوەتە دەرەوە.
ڕۆژی چوارشەممە 26ی ئابی 2026 وەزارەتی ئەوقاف و کاروباری ئایینی سووریا ڕایگەیاند: بە هاوئاهەنگی لەگەڵ لایەنە پەیوەندیدارەکان، بە وردی بەدواداچوون بۆ بارودۆخی کوژرانی (شێخ عەبدوڵرەحمان جاعید)، پێشنوێژی گوندی تەلالین دەکەن.
لای خۆیەوە، ئەحمەد حەلاق، گوتەبێژی فەرمی وەزارەتەکە ڕایگەیاند: “بە خەم و پەژارەیەکی زۆرەوە هەواڵی کوژرانی شێخ عەبدوڵرەحمانمان پێگەیشت. وەزارەت بە گرنگییەکەی زۆرەوە بەدواداچوون بۆ ئەم تاوانە قێزەونە دەکات تاوەکو وردەکارییەکان ئاشکرا ببن و بکەرانی سزا بدرێن.”
شێخ عەبدوڵرەحمان جاعید، لە سەرەتای شۆڕشی سووریا لە ساڵی 2011ەوە ئاوارەی ناوچەکانی باکووری سووریا بووە. لەو ماوەیەدا لە چەندین قوتابخانە و پەیمانگای ئایینی کاری کردووە و وەک مامۆستایەکی شارەزای بوارەکانی ڕێزمان و ڕەوانبێژی ناسراو بووە.
