قائیمقامیەتی قەزای سەیدسادق دەڵێت: لیژنەی چاودێریکردنی دەرمانخانەکانی قائیمقامیەت بە هەماهەنگی ئاسایش دەستی بەسەر 1968 پارچە دەرمانی بەسەرچوودا گرتووە.
ئەمڕۆ دووشەممە 13ی تەممووزی 2026 قائیمقامیەتی قەزای سەیدسادق ڕایگەیاند: دەرمانەکان لەناو یەک دەرمانخانەی قەزاکەدا بوون، بەشێکیان ماوەی دوو ساڵ بوو، بەسەرچووبوون.
بە گوێرەی ڕاگەیەندراوی قائیمقامیەت بێت، دەرمانەکان بە فەرمانی قائیمقامی قەزای سەیدسادق ڕەوانەی نەخۆشخانەی شەهید شەوکەت کراون بە مەبەستی لەناوبردنیان.
