بەڕێوەبەرایەتیی گشتیی کەشناسی و بوومەلەرزەزانی هەرێمی کوردستان ڕەوشی کەشوهەوای 48 کاتژمێری داهاتووی خستەڕوو و ڕایگەیاند، پلەی گەرما دادەبەزێت و تۆز و خۆڵ بەڕێوەیە.
ئەمڕۆ دووشەممە 24ی ئابی 2026 بەڕێوەبەرایەتیی کەشناسی و بوومەلەرزەزانی هەرێم ڕایگەیاند: ئاسمان لە نێوان ساماڵ و نیمچە هەوردا دەبێت، بەتایبەتی لە ناوچەکانی ڕۆژهەڵاتی هەرێم. لە کاتەکانی ئێوارە و شەودا، ئەگەری بەرزبوونەوەی تۆز و خۆڵێکی سووک هەیە.
هاوکات پلەی گەرما بە گشتی 1 بۆ 2 پلە نزم دەبێتەوە، تەنها لە ناوچەکانی گەرمیان نەبێت کە بە پێچەوانەوە 1 بۆ 2 پلە بەرز دەبێتەوە.
بۆ سبەی سێشەممە بەپێی پێشبینیەکانی کەشناسی، ئاسمان بە گشتی ساماڵ دەبێت و پلەی گەرما نزیک دەبێتەوە لە تۆمارەکانی ئەمڕۆ.
بەرزترین پلەی گەرمای پێشبینیکراو بۆ ئەمڕۆ و سبەی بە پلەی سیلیزی:
| شار و ناوچە جیاجیاکانی هەرێمی کوردستان | دووشەممە | سێشەممە |
| هەولێر | 43 | 42 |
| سلێمانی | 42 | 41 |
| دهۆک | 42 | 41 |
| هەڵەبجە | 44 | 43 |
| زاخۆ | 44 | 43 |
| چەمچەماڵ | 42 | 41 |
| گەرمیان | 46 | 47 |
| ئاکرێ | 43 | 43 |
| پیرمام | 39 | 39 |
| حاجی ئۆمەران | 35 | 35 |
