شارەزایەكی بواری كەشناسی ڕایگەیاند؛ لە 13 ڕۆژی کۆتایی ئەم مانگەدا لە نێوان 100 بۆ 300 ملم باران دەبارێت.
ئەمڕۆ دووشەممە 16ی ئاداری 2026 ئاراس جەبار، شارەزای کەشناسی ڕایگەیاند: ڕۆژانی سێ شەممە و چوارشەممە کەش و هەوا جێگیر و سەقامگیر دەبێت، بەڵام لە ڕۆژی پێنج شەممە 19-3-2026 سەر لەنوێ هەرێمی کوردستان و وڵاتانی ناوچەکە دەکەونە ژێر کاریگەری دوو نزمە پاڵەپەستۆی قووڵ لەدەریای ناوەراست و سوورەوە و شەپۆڵێکی بەهێزی لێزمە باران و هەورەبروسکە دەستپێدەکاتەوە.”
ئاراس جەبار گوتیشی: “کاریگەری نزمەپاڵەپەستووەکەی دەریای ناوەراست ئەمجارە پێشبینی دەکرێت بۆ ماوەیەکی درێژ لەسەر ناوچەکە بمێنێتەوە بەدرێژای ڕۆژانی جەژنی رەمەزان و نەورۆز تا کۆتای ئەم مانگە 31-3-2026 کاریگەرییەکانی بەردەوامی دەبێت بەدرێژایی ئەو ماوەیەش کەشوهەوای هەرێمی کوردستان ناجێگیر دەبێت.”
ئاراس جەبار ئاماژەی بەوەش کرد، “سبەی سێشەممە و چوارشەممە پلەکانی گەرما 4 بۆ 5 پلە بەرزدەبنەوە، بەڵام ڕۆژی پێنجشەممە پلەکانی گەرما بە ڕێژەی 5 بۆ 6 پلەی سیلیزی دادەبەزن.”
