کەشناسی هەرێمی کوردستان، کەشی 48 کاتژمێری داهاتووی بڵاوکردەوە و باس لەوەش دەکات، لە ئێوارەی ڕۆژی پێنجشەممەوە شەپۆلێکی بەفربارین ڕوو لە هەرێمی کوردستان دەکاتەوە و لە سەنتەری شارەکانیش بەفر دەبارێت.
ئەمڕۆ چوارشەممە 21ی کانوونی دووەمی 2026، کەشناسی و بوومەلەرزەزانی هەرێمی کوردستان ڕایگەیاند: ئەمڕۆ ئاسمان ساماڵ دەبێت لەگەڵ بوونی هەندێ پەڵە هەور لە شەودا و شەختە و بەستن ڕوودەدات. پلەکانی گەرما بەرز دەبێتەوە بە ( 1 -3 ) پلە بە بەراورد بە پلەکانی دوێنێ.
بۆ سبەی پێنجشەممە، کەشناسی دەڵێت: ئاسمان ساماڵ دەبێـت لەگەڵ دروست بوونی شەختە لەکاتەکانی بەیانی.
دەربارەی هاتنی شەپۆلێکی بەفربارین، کەشناسی هەرێم دەڵێت: لە ئێوارەی ڕۆژی پێنجشەممەوە کاریگەری بارستە هەوایەکی ساردی جەمسەری ڕوو لە ناوچەکەمان دەکات، بەهۆی نزمی پلەکانی گەرما لەم شەپۆلەدا، کاریگەرییەکەی لە زۆربەی ناوچەکان بە بەفربارین دەست پێ دەکات و لە ڕۆژی هەینی 23-01-2026 هەرێمی کوردستان لە زۆربەی کاتەکان لە ژێر کاریگەری شەپۆلێکی بەفربارین دەبێت لەگەڵ بەفربارین هەندێ ناوچە نمەبارانی دەبێت و لە سەنتەری پارێزگاکانیش بەفر دەبارێت بە ڕیژەی جیا جیا.
بەرزترین پلەکانی گەرمای پێشبینیکراو بە پلەی سیلیزی بۆ سبەی پێنجشەممە:
هەولێر : 9 پلەی سیلیزی
پیرمام : 5 پلەی سیلیزی
سۆران : 4 پلەی سیلیزی
حاجی ئۆمەران : 3- پلەی سیلیزی
سلێمانی : 6 پلەی سیلیزی
چەمچەماڵ : 7 پلەی سیلیزی
دهۆک: :6 پلەی سیلیزی
زاخۆ : 7 پلەی سیلیزی
هەڵەبجە : 6 پلەی سیلیزی
گەرمیان : 10 پلەی سیلیزی
