150 خێزانی عەشیرەتی هەرکی وازیان لە یەکێتی هێناو چوونە ناو ڕیزەکانی پارتی دیموکراتی کوردستان.
ئەمڕۆ چوارشەممە 10ی کانوونی یەکەمی 2025، 150 خێزان کە پێکهاتبوون لە سەدان ئەندام و لایەنگری یەکێتی لە قەزای خەبات چوونە ناو ڕیزەکانی پارتی دیموکراتی کوردستان و لەلایەن سیداد بارزانی پێشوازییان لێ کرا.
ئاری نانەکەلی، بەرپرسی لقی 16ی پارتی دیموکراتی کوردوستان لە هەولێر، لە کۆنگرەیەکی ڕۆژنامەوانیدا ڕایگەیاند: “هاتنی ئەم هەڤاڵانەی یەکێتی دوای ئەوە بوو کە قەناعەتیان لا دروست بوو، بەتایبەت دوای ئەو ئاڵۆزیانەی لە سنووری قەزای خەبات هاتە ئاراوە، بیریان کردەوە کە ئەمە کارێکی تێکدەرانەیە و بەدەرە لە یاسایە.”
لەلایەکی دیکەوە هاووڵاتییەکی نێو خێزانە هەرکییەکان بۆ میدیاکان باسی لە هۆکاری وازهێنانیان لە ڕێزەکانی یەکێتی کرد و گوتی: “نە لە ترسان نە لە برسان نەهاتوومە ناو ڕێزەکانی پارتی، بەڵکو هۆکارەکەی تەنها ئەوەیە گەیشتووینەتە ئەو قەناعەتەی کە کاربەدەستانی حزبەکە لە سنووری هەولێر خۆیان بە خاوەن و ئەندام و لایەنگر و کەسوکاری یەکێتی نازانن، بۆیە ئێمەش هەستمان بەبێ خاوەنی کرد و هاتینە ناو ڕێزەکانی پارتییەوە.”
ئەمەش دوای ئەو شەڕ و ئاڵۆزیانە دێت کە بەم دواییانە لە گوندی لاجانی سەر بە قەزای خەبات ڕوویدا، بەهۆیەوە ئەندامێکی کۆمیتەی یەکێتی لە خەبات بە ناوی “نێچیروان هەرکی” دەستگیرکرا.
