ئەمڕۆ پێنجشەممە، مەسرور بارزانی جێگری سەرۆکی پارتی دیموکراتی کوردستان بەشداریکرد لە ئاهەنگی بانگەشەی پارتی لە شاری هەولێر.
گرنگترین پەیام و وتەکانی مەسرور بارزانی:
وتیان دەتانڕوخێنین، دەتانوەستێنین، تێكیدەدەین، وتمان ناتوانن، نەشیانتوانی.
بەغداد بووەتە شوێنی ئەو لایەنانەی كە نەیانتوانیوە لە كوردستان ململانێی پارتی بكەن.
ئەو دەنگانەی بۆ لایەنەكانی دیکە دەچن ناكەونە خزمەتی كوردستان.
پێشڕەوی كورد هەتاهەتایە هەر پارتی دەبێت و هەر سەرۆك بارزانیش سەرۆكمان دەبێت.
دەبێت هەوڵێكی جدی بدەین بۆ ئەوەی پارتی ببێت بە ئامرازی گەیشتنی گەلەكەمان بە ئامانجەكانی خۆی.
لە كوردستان پارتی هیچ ڕكابەرێكی نەماوە، ئەوەی ماوە ئێستا لە بەغداد ململانێی پارتی دەكەن، بۆیە پێویستە بچینە بەغدادو لەوێ شەڕ لەسەر مافەكانمان بكەین.
بەغداد بووەتە شوێنێك بۆ هەموو ئەو لایەنانەی كە چاویان بە سەركەوتنەكانمان هەڵنایە.
بەغدادیان هەڵبژاردووە بۆ ئەوەی لەوێ رێگری لە پرۆژەو سەركەوتنەكانی هەرێمی كوردستان بكەن.
داوا لە لایەنگرانی پارتی دەكەم خۆیان نەخنە ئاستی خەڵكانێكی تر كە چاویان بە سەركەوتنی پارتی هەڵنایە.
ئێستاش دەیانەوێت گومان دروست دەكەین لەوەی كە بتوانین مافەكانی خەڵكی كوردستان بەدەستبهێنین، دیسان پێیان دەڵێین دەتوانین سەركەوتنی زیاتر بەدەستبهێنین.
لە بەشێکی کۆتایی قسەکانی دەڵێت: خەڵكی تر پێشتریش هەوڵی جدییان داوە كە لە جیاتی ئێمە خۆیان وەك نوێنەری خەڵكی كوردستان پیشانبدەن، بەڵام نە بەرگریان لە كوردستان كردووەو نە ئامادەبون خۆیان بكەن بە قوربانی، بەڵكو دەستیان لەگەڵ ناحەزان تێكەڵ كردو پلانیان دژی داڕشت.
