ئامارەکانی ساڵی ڕابردووی نەخۆشخانەی فریاکەوتنی رۆژئاوا – هەولێر ئاشکرای دەکات کە 2 هەزار و 955 نەشتەرگەریی ئێسک و شکان کراون.
ڕۆژی یەکشەممە 11ی کانوونی دووەمی 2026 نەخۆشخانەی فریاکەوتنی رۆژئاوا – هەولێر ڕایگەیاند: لە ساڵی ڕابردوودا “2025” بە گوێرەی ئامارەکان 8 هەزار و 564 نەخۆش بۆ ماوەی زیاتر لە 24 کاتژمێر ماونەتەوە و خەوێندراون، لەو ژمارەیەش زۆرترین نەخۆش هی بەشی ئێسک و شکاوی بووە کە 3 هەزار و 29 کەسە.
فریاکەوتنی ڕۆژئاوا – هەولێر ئەوەشی ڕاگەیاند؛ لە دوای نەخۆشییەکانی ئێسک و شکاوی، بەشی نەخۆشی مێشک و دەمار دووەم زۆرترین نەخۆشی هەبووە کە ژمارەکەی 2 هەزار و 662 کەس بوون.
هەروەها ئامارەکانی نەخۆشخانەکە پێمان دەڵێت، کە ساڵی ڕابردوو 589 کەس گیانیان لەدەستداوە، ئەمەش بەرامبەر بە 2ساڵ پێش ئێستا زیاترە کە لە ساڵی 2024, ڕێژەکەی 466 کەس بوون.
هەر بە گوێرەی ئامارەکان، تێکڕای گشتیی نەخۆشەکان لە نەخۆشخانەی فریاکەوتنی ڕۆژئاوا – هەولێر بۆ ساڵی 2025 زیاتر لە 215 هەزار کەس بووە و لەو ژمارەیەشدا تەنیا 4 هەزار و 679 نەشتەرگەری کراون و 350 هەزار پشکنین لە تاقیگەی خوێن ئەنجامدراوە.
