نەشتەرگەری جیاکردنەوە دوو منداڵی دووانەی پێکەوەلکاو لە کەرکووک ئەنجامدرا و منداڵێک گیانی لەدەستدا و ئەوەی دیکەشیان تەندروستی جێگیرە.
ڕۆژی دووشەممە 2025-11-24 گوتەبێژی تەندروستیی کەرکووک، سامان یابە عەلی ڕایگەیاند؛ “ 10 رۆژ پێش ئێستا دوو منداڵی دووانەی پێکەوەلکاو لەدایکبوون و بڕیاردرا کە دوای ماوەیەک نەشتەرگەرییان بۆ بکرێ و لە یەکدی جیابکرێنەوە.”
سامان بابە عەلی ئەوەشی ڕاگەیاند، “ یەکێک لە منداڵەکان گیانی لەدەستدا و ئەوەی دیکەیان ژیانی لە مەترسیدا بوو؛ بۆیە بەپەلە نەشتەرگەریی لێکجیاکردنەوەیان بۆ کرا، نەشتەرگەرییەکە دوو کاتژمێری خایاند و سەرکەوتوو بوو.”
گووتەبێژی تەندروستیی کەرکووک باسی لەوەش کرد؛ “ئێستا منداڵەکەی دیکە تەندروستیی باشە و یەکەمجارە لە کەرکووک دۆخی لەو شێوەیە ڕووبدات و ئەو جۆرە نەشتەرگەرییە بکرێ.”
