لە پارێزگای سنەی ڕۆژهەڵاتی کوردستان 624 کەس تووشی نەخۆشی ئایدز بوون و 230 کەسیان لە نەخۆشخانە چارەسەر وەردەگرن.
جێگری سەرۆکی زانکۆی پزیشکیی پارێزگای سنە، خالید ڕەحمانی ڕایگەیاند: بە پێی خەمڵاندنەکان ژمارەی تووشبووانی نەخۆشی ئایدز لە پارێزگای سنە نزیکەی 624 کەس دەبێت.
خالید ڕەحمانی ئەوەشی ڕاگەیاند، لە سنووری ئەو پارێزگایەدا بە شێوەیەکی فەرمی 249 تووشبووی ئایدز دەستنیشان کراون کە 239 کەسیان ئێستا لە نەخۆشخانە چارەسەر وەردەگرن.
جێگری سەرۆکی زانکۆی پزیشکیی پارێزگای سنە، تەمەن و ڕەگەزی تووشبووانی ئایدز لە پارێزگاکە دەخاتەڕوو: 88٪یان پیاون و 12٪ی دیکەش خانمن، هەروەها 75٪ی تووشبووان تەمەنیان لەنێوان 25 بۆ 45 ساڵە.
خالید ڕەحمانی ئاماژە بە ئاماری تووشبووانی ئایدز لە تەواوی ئێران دەکات و دەڵێت: بە پێی دوایین ئامار و خەمڵاندنیان، 41 هەزار و 509 تووشبووی ڤایرۆسی HIV لە ئێران هەن. ئەمە لە کاتێکدایە ساڵی ڕابردوو ژمارەی تووشبووان بە ڤایرۆسی HIV لە پارێزگای سنە بە 309 کەس دانرا.
