توێژینەوەیەکی دانیمارکی هۆشداری بە پیاوان دەدات دەربارەی کەمبوونەوەی ڕێژەی سپێرمەکان و خۆراکە خێراکان بە هۆکار دەستنیشان دەکات.
زانکۆی کۆپنهاگن لە وڵاتی دانیمارک توێژینەوەیەکی لەسەر 43 پیاو ئەنجام داوە و لە گۆڤاری Metabolism Cell بڵاوکردۆتەوە و ئەنجامەکانی توێژینەوەکە هەواڵێکی ناخۆش بەو پیاوانە دەدات کە بەردەوام خواردنە خێراکان دەخۆن.
توێژینەوەکە دەڵێت؛ خۆراکە خێراکان ئەگەری قەڵەوبوون زیاد دەکەن، بەمەش کواڵیتیی سپێرمەکان لە پیاوان لاواز دەبێت کە دەشێت نەزۆکی لێبکەوێتەوە.
سەرپەرشتیاری توێژینەوەکە، د. جێسیکا پرێستن ئەوە ئاشکرا دەکات؛ خواردنی خێرا گەر بڕێکی کەمیش بێت، زیان بە توانای سەرجێی پیاوان دەگەیەنێتت، چونکە بەشداربووانی توێژینەوەکە ئاستی هۆڕمۆنەکانی تێستۆستیڕۆن و FSHـیان دابەزیبوو کە بۆ بەرهەمهێنانی سپێرم گرنگن.
لە توێژینەوەکەدا دەرکەوتووە ئەو پیاوانەی دوای ئەو ماوەیە کێشیان زیادی کردبوو و ئاستی بەرهەمهێنانی سپێرمەکانیشیان دابەزیبوو.
توێژینەوەکە لەماوەی سێ هەفتە کرا و رۆژانە بەشداربووان دوو ژەم خۆراکە خێراکانیان پێ دەدرا، هەروەها هەموو جۆرە خۆراکە خێراکان وەزشیان پێویستە، بۆ ئەوەی لە قەڵەوی دووربکەونەوە.
