لەکابینەی نۆیەمدا 564 پرۆژەی بە بەهای 24 ملیار دۆلاری لە بواری وەبەرهێناندا جێبەجێ كردووە.
ئەمڕۆ دووشەممە، 18ی ئابی 2025 فەرمانگەی میدیا و زانیاری حکومەتی هەرێمی کوردستان بڵاویکردەوە کە لە ماوەی كاری كابینەی نۆیەمی حكومەتی هەرێمی كوردستاندا، “لە تەواوی هەرێم 564 پرۆژە بە بەهای زیاتر لە 24 ملیار دۆلار لە سێكتەری وەبەرهێنان جێبەجێ كراون و ئەوەش هەموو كەرتەكانی ئەو بوارەی گرتووەتەوە”.
پڕۆژە جێبەجێکراوەکانی حکومەتی هەرێمی کوردستان بەم جۆرە دابەش بوون:
پیشەسازی: 142 پڕۆژە، بە بەهای 3 ملیار و 649 ملیۆن دینار جێبەجێ كراون.
بازرگانی: 142 پرۆژە، بە گوژمەی ملیارێك و 194 ملیۆن دۆلار جێبەجێ كراون.
گەشتیاری: 78 پرۆژە، بە گوژمەی 7 ملیار و 559 ملیۆن دۆلار جێبەجێ كراون.
نیشتەجێبوون: 60 پرۆژە، بە گوژمەی 4 ملیار و 868 ملیۆن دۆلار ئەنجام دراون.
فێركردن: 49 پرۆژە، بە بەهای 417 ملیۆن دۆلار.
تەندروستی: 34 پرۆژە، بە بەهای 366 ملیۆن دۆلار.
كشتوكاڵ: 21 پرۆژە، بە بەهای 561 ملیۆن دۆلار.
وەرزشی: 14 پرۆژە بە گوژمەی 84 ملیۆن دۆلار.
هاوبەش و بیانی: 11 پرۆژە، بە گوژمەی 5 ملیار و 154 ملیۆن دۆلار.
خزمەتگوزاری: 8 پرۆژە، بە گوژمەی 100 ملیۆن دۆلار.
هونەری: 3 پرۆژە، بە گوژمەی 76 ملیۆن دۆلار.
بانكەكان: 2 پرۆژە، بە گوژمەی 19 ملیۆن دۆلار.
كابینەی نۆیەمی حكومەتی هەرێمی كوردستان قۆناغێكی گرنگی لە گەشەپێدانی وەبەرهێنانی ناوخۆیی لە هەموو كەرتەكاندا بڕیوە و پرۆسەكەش بەردەوامە.
