پێش نیوەڕۆی ئەمڕۆ، لە سنووری ناحیەی ‘لەیلان’ لە کەرکووک، گەنجێک لە کاتی گەڕانەوەی لە کاردا لافاو بردوویەتی، گەنجەکە بە ماتۆڕێکی سێ تایە لە ڕێگەی گەڕانەوە بووە بۆ ماڵەوە، لافاو خۆی و ماتۆرەکەی بردووە، گەڕان بەدوای بەردەوامە.
ئەمڕۆ پێنجشەممە 26ی ئاداری 2026 موحەممەد وەیسی، بەڕێوەبەری ناحیەی لەیلان ڕایگەیاند: “ئەو گەنجە پاسەوان بووە و لە کار گەڕاوەتەوە، لەسەر ڕێگای گەڕانەوەی پردێک هەیە، بەهۆی لافاوەوە ئاو هاتووەتە سەر پردەکە، ئەم گەنجەش سەرکێشی کردووە.”
بەڕێوەبەری ناحیەی لەیلان گوتیشی: “هەرچەندە برادەرەکانی پێیان گوتووە لەسەر پردەکە نەپەڕێتەوە، بەڵام ئەو گوێی پێنەداوە و هەوڵی پەڕینەوە داوە و ئاو بردوویەتی.”
بە پێی ئەو زانیارییانەی دەست داڵ میدیا کەوتوون، ئەو گەنجەی لافاو بردوویەتی، ناوی ‘موحەممەد عوسمانە’، خەڵکی کەرکووکە، خێزاندارە و یەک منداڵی هەیە.
