بەرەبەیانی ئەمڕۆ لە نزیک دێگەڵەی سنووری پارێزگای هەولێر، مووشەکێک بەر بارەگەیەکەی هێزەکانی پارتی ئازادیی کوردستان کەوت و دەرئەنجام پێشمەرگەیەک شەهیدبوو و سێی دیکەش برینداربوون.
ئەمڕۆ چوارشەممە 4ی ئاداری 2026 ئەدیب خالیدیان، ئەندامی سەرکردایەتیی و بەرپرسی پەیوەندییەکانی پارتی ئازادیی کوردستان ڕایگەیاند: پێشمەرگەیەکمان بەناوی جەلال رەشیدی کە خەڵکی سەقزە و منداڵێکی هەیە شەهیدبوو، ئەوەش لە ئەنجامی هێرشێکی مووشەکی بوو بۆ سەر بارەگای پارتی ئازادی کوردستان لە نزیک دێگەڵە.
داڵ میدیا زانیوویەتی ئەو پێشمەرگەیەی شەهیدبووە ناوی ‘جەلال رەشید’ و پێشمەرگەی پارتی ئازادی کوردستانە.
بەرپرسی پەیوەندییەکانی پارتی ئازادیی کوردستان ئەوەشی ڕاگەیاند: “هێرشەکە لە ڕێگەی دوو مووشەکەوە بووە و جگە لە شەهیدبوونی پێشمەرگەیەکمان سێ پێشمەرگەی دیکە بریندارن.”
ئەمەش لە کاتێکدایە درەنگانی شەوی ڕابردووش هێرش كرایە سەر سنووری دێگەڵە و كۆیە و كەمپی ئاوارەكان. وە بارەگەی حزبی دیموكراتی كوردستان كرایە ئامانج.
