ئەمڕۆ کەشناسی هەرێمی کوردستان کەشی 48 کاتژمێری داهاتووی بڵاوکردەوە و ڕایگەیاند: دوو ڕۆژ شەپۆڵێکی بارانبارین و بەفربارین هەرێمی کوردستان دەگرێتەوە.
ئەمڕۆ پێنجشەممە 26ی شوباتی 2026 بەڕێوەبەرایەتی کەشناسی و بوومەلەرزانی هەرێمی کوردستان ڕایگەیاند: “ئەمڕۆ ئاسمان نیمچە هەور دەبێت پاشان دەگۆڕێت بۆ هەوری تەواو, سەرەتا نمە باران لە سنووری پارێزگای دهۆک و ئیدارەی زاخۆ دەستپێدەکات، پاشان کاریگەری باران بارین درێژ دەبێتەوە و نمە باران و بارانی مامناوەند لە سنووری پارێزگای هەولێر و ئیدارەی سۆران دەبارێت .”
کەشناسی گوتیشی: “لە کاتەکانی شەو ڕێژەی دابارین زیاد دەکات و لە زۆربەی ناوچەکانی هەرێم باران دەبارێت, هەروەها لە ناوچە شاخاوییە سنورییەکان کەمێک بەفربارین دەبێت .”
سەبارەت بە کەشی سبەی هەینی، کەشناسی هەرێم ڕایگەیاند: “ئاسمان هەوری تەواو دەبێت، نمە باران و بارانی مامناوەند بە پچڕپچڕی لە زۆربەی ناوچەکان دەبارێت هەروەها لە ناوچە سنوورییەکان و ناوچە شاخاوییە بەرزەکان بەفر بارین دەبێت .”
کەشناسی ئاماژەی بەوە کرد، سبەی هەینی پلەکانی گەرما بە شێوەیەکی بەرچاو دادەبەزن لە سەنتەری شارەکان بە نزیکەی 4 بۆ 5 پلە و لە ناوچە شاخاوییەکان 6 هەتا 7 پلە نزمدەبنەوە.
بەرزترین پلەکانی گەرما بۆ سبەی بەم شێوەیە:
هەولێر : 12 پلەی سیلیزی
پیرمام : 8 پلەی سیلیزی
سۆران : 8 پلەی سیلیزی
حاجی ئۆمەران : 1 پلەی سیلیزی
سلێمانی : 11 پلەی سیلیزی
چەمچەماڵ : 12 پلەی سیلیزی
دهۆک : 10 پلەی سیلیزی
زاخۆ : 12 پلەی سیلیزی
هەڵەبجە : 13 پلەی سیلیزی
گەرمیان : 16 پلەی سیلیزی
