بەربژێرێکی پەرلەمانی عێراق دەڵێت، گەر دەربچم یەکەم ڕۆژ بە جلی ریال مەدرید لە پەرلەمان ئامادە دەبم و نامەوێت هاندەرانی یانەی بەرسێلۆنا دەنگم پێبدەن.
یەکێکە لە بەربژێرانی هاوپەیمانیی سیادە لەپارێزگای سەڵاحەدین بە ناوی [مەروە حامد عیساوی] لە هەژماری فەرمی خۆی لە فەیسبووک بڵاویکردۆتەوە؛ نامەوێت هاندەرانی یانەی بەرسێلۆنا دەنگم پێبدەن و دەنگی ئەوانم ناوێت، ناشمەوێت بەدەنگی ئەوان بچمە پەرلەمان.
مەروە حامد بڕیاری داوە، کە لە یەکەم رۆژی کارکردنی لە پەرلەمان بە جلی ریاڵ مەدریدەوە ئامادە بێت و بەڵێنی ئەوەشی دەدات، ئەگەر ببێتە پەرلەمانتار، ژن بۆ 30 گەنجی هاندەری ریاڵ مەدرید دەهێنێت.
قسەکانی مەروا حامد کاردانەوەی جیاوازی لێکەوتەوە و هاندەرانی ریال مەدرید پشتگیری و پشتیوانی خۆیان بۆ ئەو بەربژێرە دەربڕی.
