روانگە فاوندەیشن لە درێژەی کار و پڕۆژەکانی لە بواری گەنجان، ئەمڕۆ پاڵپشتی دارایی بۆ چەندان گەنجی کارساز ڕاگەیاند تاوەکو پەرە بە بیرۆکە و پڕۆژەکانیان بدەن.
ئەمڕۆ پێنجشەممە، 14ی ئابی 2025، دەزگای روانگە ڕایگەیاند: “لە چوارچێوەی پرۆژەی کوردستان کراوەیە بۆ کارسازان، دەزگای روانگە پاڵپشتی دارایی 30 خاوەنکاری بەتوانای کرد بۆ تۆمارکردنی کارەکانیان بە شێوازێکی فەرمی.”
دەربارەی پشتگیری دارایی ئەو 30 کارسازە دەزگاکە ئەوەشی خستەڕوو: پرۆژەکە لەلایەن رێکخراوی بیرۆکەی بێسنوور پاڵپشتی دارایی دەکرێت و بەهەماهەنگی لەگەل فەرمانگەی تۆماری کۆمپانیاکان و رێکخراوی ECHO جێبەجێ دەکرێت.
ڕۆژی 12ی ئابی 2025، حەسەن عەلائەدین، بەڕێوبەری جێبەجێکاری دەزگای روانگە ڕایگەیاند: لە ماوەی 13 ساڵی ڕابردوو، ملیۆنێک و 240 هەزار گەنج لە دەزگاکە سوودمەندبوون.
