درەنگانی شەوی ڕابردوو لە قەزای خورماتوو دوو کارمەندی کارەبا لە کاتی ئەرکی فەرمیدا گیانیان لەدەستدا.
ڕۆژی شەممە 7ی شوباتی 2026، خالید عەباس حسین و ئەحمەد حاجی ڕەشید، دوو کارمەندی کارەبای سنووری ئیدارەی گەرمیان بوون، لە کاتی کارکردنیان لە گەڕەکی “عەسکەریی”خورماتوو بە تەزووی کارەبا گیانیان لەدەستدا.
بە پێی سەرچاوە هەواڵییەکان، هەردوو کارمەندەکە لە کاتی چاککردنەوەی کارەبای ماڵان و مزگەوتی “فیردەوس” کارەبا گرتوونی و دووچاری تەزوویەکی بەهێزی کارەبا بوون.
سەرەرای هەوڵەکان بۆ ڕزگارکردنیان، بەڵام دواجار هەردووکیان گیانیان لەدەستدا و تەرمەکانیان ڕەوانەی پزیشکی دادوەری کرا.
