کەشناسی هەرێم لە ڕاگەیاندراوێکدا باس لە کۆتایی هاتنی ئەو شەپۆلی بارانبارینە دەکات کە چەند ڕۆژێکە ڕووی لە هەرێمی کوردستان کردووە.
ئەمڕۆ چوارشەممە 10ی کانوونی یەکەمی 2025، بەڕێوەبەرایەتی گشتیی کەشناسی و بوومەلەرەزانی هەرێمی کوردستان ڕایگەیاند: “بۆ ئەمڕۆ بەگشتی ئاسمان هەور و نیمچە هەور دەبێت، کاریگەری ئەو شەپۆلی باران بارینەی ڕووی لە ناوچەکەمان کردبوو بەرەو کۆتای دەچێت.”
سەبارەت بە کەشی سبەی پێنجشەممە، کەشناسی هەرێم دەڵێت: “ئاسمان نیمچە هەور دەبێت و لە ناوچە شاخاوییەکان هەندێک کات دەگۆڕێت بۆ هەوری تەواو و ئەگەری نمەباران لە هەندێک کاتدا هەیە، وە بە گشتی کەشەکە جێگیر دەبێت، جگە لە ناوچە شاخاوییە بەرزەکان هەندێک کات نمەبارانی تێدا دەبێت.”
بەرزترین پلەکانی گەرما بۆ ئەمڕۆ بەم شێوەیە دەبێت:
هەولێر : 14 پلەی سیلیزی
سلێمانی : 14 پلەی سیلیزی
دهۆک : 14 پلەی سیلیزی
زاخۆ : 14 پلەی سیلیزی
کەرکوک : 15 پلەی سیلیزی
هەڵەبجە : 14 پلەی سیلیزی
سۆران: 10پلەی سیلیزی
ئاکرێ : 15 پلەی سیلیزی
حاجی ئۆمەران : 3 پلەی سیلیزی
ئامێدی: 10پلەی سیلیزی
گەرمیان : 16 پلەی سیلیزی
کەشناسی هەرێمی کوردستان، ئاماری ئەو وێستگانەی بڵاوکردەوە کە لە ماوەی 24 کاتژمێری ڕابردوو زۆرترین بڕی باران بارینی هەبووە بەم شێوەیە:
چوارتا: 201
یاخ سەمەر: 154.2
بەرزنجە: 206.5
قەرەداغ: 103.6
قڕگە: 107.6
تەکیە: 173.5
سلێمانی: 122.7
چەمچەماڵ: 127.1
ماوەت: 112.1
دەربەندیخان: 143.6
ئاخ جەلەر: 126
سەنگاو: 144
ماوەی چەند رۆژێک دەبێت، شەپۆلێکی باران بارین ڕووی لە پارێزگاکانی هەرێمی کوردستان کردووە و بەهۆیەوە لە هەندێک ناوچە و بەتایبەت سنووری ئیدارەی سەربەخۆی گەرمیان لافاو دروست بوو.
