بەبۆنەی ڕۆژی سەركەوتنەوە لە تەواوی عێراق ڕۆژی چوارشەممە 10ی کانوونی یەکەم پشووی فەرمییە، بەڵام تا ئێستا هەرێمی کوردستان بڕیاری لەسەر نەداوە.
بەپێی خشتەی پشووەكانی حكومەتی عێراق، كە لە پەرلەمان دەنگی لەسەر دراوە، رۆژی چوار شەممە 10ـی کانونی یەکەمی 2025 دەوامی فەرمی لە تەواوی عێراق ڕادەگیرێت و دەکرێتە پشوو بە بۆنەی ڕۆژی سەرکەوتن.
ڕۆژی 10ـی مانگی 12ـی هەموو ساڵێک بە ڕۆژی سەرکەوتن بەسەر داعش لە عێراق دیاریکراوە و بەو هۆیەوە پشووی فەرمییە و ساڵی ڕابردوو لە هەرێم ئەو ڕۆژە نەکرا بە پشوو، بەڵام لە سەرەتای ئەمساڵ بەهۆی پەسەند كردنی خشتەی پشووە فەرمییەكانەوە لە عێراق، كە چەند بۆنەیەكی كوردیش كراوە بە پشوو، تا ئێستا دیار نییە حكومەتی هەرێمی کوردستان ئەو رۆژە دەكات بە پشوو یان نا.
