بازرگانێکی باکووری کوردستان لە ئێستادا بووەتە دەوڵەمندترین کەسی تورکیا و سامانەکەی نزیک 14 ملیار دۆلار دەبێت.
ئەم بازرگانە کوردە ناوی [حەمدی ئوڵوکایا]یە و لە پارێزگای ئەرزنگانی باکووری کوردستان لەدایکبووە. لە ئێستادا سامانەکەی حەمدی 13.7 ملیار دۆلاری تێپەڕاندووە و لە لیستی ملیاردێرەکانی جیهان پلەی 1573ـی وەرگرتووە و لە ڕیزی 200 دەوڵەمەندترین کەسی جیهانە.
حەمدی لە خێزانێک لەدایکبووە کە سەرقاڵی بەرهەمهێنانی بەرهەمە شیرەمەنییەکان بوون و پاشان و ساڵی 1994 زانستە سیاسییەکان تەواو دەکات و دەچێتە ئەمریکا.
سەرەتاکانی کارکردنی ئەم بازرگانە بە ئامۆژگارییەکی باوکی دەست پێ دەکات، لە ساڵی 2002 باوکی حەمدی داوای لێدەکات کە لە کارگەیەکی پەنیر دەست بە کار بکات و پاشان لە ساڵی 2005 توانی کارگەیەکی لەکارکەوتووی ماست لە باکووری ویلایەتی نیویۆرک بکڕێت.
پاش کڕینی کارگەکەی نیویۆڕک، توانی کارگەیەک بە ناوی چۆبان دابمەزرێنێت کە تایبەتە بە بەرهەمە شیرەمەنییەکان و دروستکردنی ماست.
حەمدی پشتگیری خۆی بۆ کوردانی باکووری کوردستان دووپات کردۆتەوە و پشتگیری تەواوەتیان دەکات، هەر بۆیەش بە کارساز و خێرخوازە دڵباشەکە ناسراوە و سامانێکی زۆری خۆی بۆ پشتگیریکردنی لێقەوماوان تەرخان کردووە.
