بەڕێوەبەرایەتی گشتیی کەشناسی و بومەلەرزەزانی هەرێم پێشبینی کەشوهەواوی بۆ ئەمڕۆ و سبەی بڵاوکردۆتەوە؛ ئەمڕۆ ئاسمان ساماڵ و پەڵە هەور دەبێت و سبەیش ئەگەری باران بارین هەیە لە هەندێک ناوچەی کوردستان.
ئەمڕۆ یەکشەممە، 19ی ئۆکتۆبەری 2025 بەڕێوەبەرایەتی گشتیی کەشناسی و بومەلەرزەزانی هەرێم کەشی پێشبینیکراوی 48 کاتژمێری داهاتووی بڵاوکردەوە و دەڵێت: ئەمڕۆ ئاسمان ساماڵ و پەڵە هەور دەبێت و لە هەندێک شوێن دەگۆڕێت بۆ نیمچە هەور لەگەڵ ئەگەرى دروست بوونى تۆزێکى کەم بەتایبەت لە ناوچەکانى باشوورى هەرێم.
دەربارەی سبەی دووشەممە، کەشناسی هەرێم ئەوەشی ڕاگەیاند: ئاسمان نیمچە هەور دەبێت پاشان لە پارێزگای دهوک و ناوچە شاخاویەکانى باکوور و باکوورى ڕۆژهەڵات و باکوورى ڕۆژئاوا دەگۆڕێت بۆ هەورى تەواو لەگەڵ ئەگەرى بارینى نمە باران، لە درەنگانى شەودا لە ناوچەکانى باکوورى ڕۆژئاوای هەرێم, هەروەها ئەگەرى بەرزبوونەوەى تۆزێکى کەم هەیە.
بەرزترین پلەکانی گەرمای پێشبینیکراو بە پلەی سیلیزی بۆ سبەی دووشەممە:
هەولێر: 27 پلەی سیلیزی
سلێمانی: 27 پلەی سیلیزی
دهۆک: 26 پلەی سیلیزی
زاخۆ: 26 پلەی سیلیزی
ئامێدی: 23 پلەی سیلیزی
ئاکرێ: 28 پلەی سیلیزی
کەرکوک: 30 پلەی سیلیزی
هەڵەبجە: 27 پلەی سیلیزی
سۆران: 25 پلەی سیلیزی
حاجی ئۆمەران: 18 پلەی سیلیزی
گەرمیان: 33 پلەی سیلیزی
