موحەممەد کاسابی، ئەکتەرە ناسراوەکەی درامای سێ بە چواری فارسی بە نەخۆشی دڵ گیانی لەدەستدا.
ئەمڕۆ یەکشەممە 12ی ئۆکتۆبەری 2025 لە میدیا فارسییەکان، هەواڵی کۆچی دوایی موحەممەد کاسابی، ئەکتەری ناسراوی فارس و ناسراو بە [ڕەحمان] بڵاوکرایەوە.
چەند ڕۆژێک لەمەوبەر کچەکەی موحەممەد کاسابی بڵاویکردەوە کە دۆخی تەندروستی باوکی ناجێگیرە، دوای مانەوەی چەند ڕۆژێک لەژێر چاودێری چڕ ئەمڕۆ هەواڵی مردنی باوکی ڕاگەیاند.
میدیا ئێرانییەکان دەڵێن، موحەممەد کاسابی، ئەکتەر و دەرهێنەری فارس، کێشەی دڵ و لوولەکانی خوێنی هەبووە و گیرۆدەی هەناسەتەنگی و کێشەکانی سییەکانیشی بووە.
ڕەحمان ناوێکی ناسراوی نێو بینەرانی دراما فارسییەکانە، بەتایبەت لە درامای سێ بە چوار، کە دەنگدانەوەیەکی زۆری بەدوای خۆی هێنا و تا ئێستاش دیمەنەکانی ئەم دراما دۆبلاژکراوە فارسییە لەنێو بینەرانی کورد و لە سۆشیاڵ میدیای کوردی ترێندە.
