60 کۆجبەری کورد، لە کەناڵی ئینگلیزی لە لێواری مەرگدان و زۆربەیان ژن و منداڵن.
ئەمڕۆ چوارشەممە 8ی ئۆکتۆبەری 2025 چالاکوان ڕەنج پشدەری بڵاویکردۆتەوە؛ “بەرەبەیانی ئەمڕۆ بە زەنگی مۆبایلەکەم خەبەرم بووەوە و لە پەیوەندیەکەدا کۆمەڵێك کۆچبەر داوای یارمەتیان دەکرد و دەنگی ژن و منداڵ دەبیسترا.”
ڕەنج پشدەری ئاشکرای دەکات؛” نزیکەی 60 کەس لە ئاوی نێوان فەڕەنسا بۆ بەریتانیا لە چوپێکدا گیریان خواردوە و بەشی زۆری کۆچبەرەکانیش ژن و منداڵان و رێگایان ونکردوە و داوای بە هاناوەچون دەکەن.”
ئەو چالاکوانە دەڵێت؛ لە کۆتایی قسەکانیانادا کۆچبەران وتیان، ”چوپەکەمان کون بووە و خەریکە نقوم دەبێت.”
ساڵانە ڕێژەیەکی زۆری کورد لە هەر چوار پارچەی کوردستان ڕوو لە هەندەران دەکەن و لە هەرێمی کوردستانیش بەگوێرەی ئامارەکانی کۆمەڵەی پەنابەرانی هەرێمی کوردستان لە ساڵی 2024 تاوەکو مانگی 3ی 2025 زیاتر لە 8 هەزار هاووڵاتی کۆچیان کردووە.
