ڕوانگەی سووری بڵاویکردۆتەوە، لە چێشتخانەیەکی مۆسکۆی پایتەختی ڕووسیا، بەشار ئەسەد، سەرۆکی پێشووی سووریا بە مەبەستی کوشتن ژەهرخوارد کراوە.
ئەمڕۆ پێنجشەممە 2ی ئۆکتۆبەری 2025 ڕوانگەی سووری بۆ مافەکانی مرۆڤ ڕایگەیاند؛ بەمەبەستی کوشتنی بەشار ئەسەد، سەرۆکی پێشووی سووریا لەلایەن گرووپێکی سیاسیی دیارکراو ژەهرخوارد دەکرێت، ئەوەش بە ئامانجی ئەوەی تاوانەکە بخەنە ئەستۆ حکومەتی نوێی سووریا.
ڕوانگەی سووری دەڵێت؛ لە یەکێک لە چێشتخانەکانی مۆسکۆی پایتەختی ڕووسیا، خواردنی ژەهراوی پێشکەش بە بەشار ئەسەد دەکرێت. دوای خواردنی دۆخی تەندروستی تێک دەچێت، بەڵام بە زووی خۆی دەگەیێنێتە یەکێک لە نەخۆشخانەکانی مۆسکۆ و ژیانی لە مردن ڕزگار دەکرێت.
روانگەی سووری ئەوەشی ڕاگەیاند، ئەمە یەکەم هەوڵی کوشتنی بەشار ئەسەد بووە، ئەو هەوڵەش بە ئامانجی دروستکردنی تۆمەتی کوشتن بۆ حکومەتی نوێی سووریا.
