کەشناسی تورکیا بڵاویکردۆتەوە، پێشبینی دەکرێت لە بەرزایەکانی چەند ناوچەیەکی باکووری کوردستان بەفر ببارێت و پلەکانی گەرماش 5 بۆ 10 پلە دادەبەزن.
ئەمڕۆ چوارشەممە، 17ی ئەیلولی 2025 کەشناسی تورکیا ڕایگەیاند؛ سبەی پێنجشەممە، 18ـی ئەیلوول لە سەرانسەری تورکیا و باکووری کوردستان پلەی گەرما دادەبەزێ و پێشبینی دەکرێ لە ناوچە بەرزەکانی پارێزگای ئەرزەڕۆمی باکووری کوردستانیش بەفر ببارێ.
کەشناسیی تورکیا ئەوەشی ڕاگەیاند، هەمان کەش ڕۆژی هەینیش بەردەوام دەبێ و لەو شوێنانەی بەرزییان لە دوو هەزار مەتر زیاترە، پێشبینی بارینی بەفریان تێدا دەکرێ.
کەشناسیی تورکیا هۆشداریی بارانی بەخوڕیشی لە هەندێک شوێن داوە.
