چوار وەزیری حکومەتی عێراق ڕەوانەی دەستەی دەستپاکی کراون و ڕەنگە زیندانی بکرێن، وەزارەتی دەرەوەی ئەمریکاش سوپاسی عێراق دەکات.
نەبیل عەزاوی، لێکۆڵەری کاروباری سیاسی و کەسی نزیکی سودانی ڕایگەیاند؛ چوار وەزیری حکومەتی موحەممەد شیاع سودانی ڕەنگە رەوانەی زیندان بكرێن، دۆسییەكانیان لای دەستەی دەستپاکییەو لە چەند ڕۆژی داهاتوودا ناوەکانیان ڕادەگەیەنرێت.
عەزاوی ئەوەشی ڕاگەیاند؛ وەزارەتی دەرەوەی ئەمریکا سوپاسی حکومەتی سودانی کردووە بۆ ئاسانکارییەكانی لەبارەی دۆسیەی كچە ڕوسییە ڕفێنراوەكە لە عێراق.
هەروەها عەزاوی جەختی لەوەش کردەوە، پڕنسیپی پاداشت و سزا لەناو حکومەتی سودانیدا هەیە و چوار وەزیر رەوانەی دەستەی دەستپاکی کراون و رەنگە روبەڕوی سزای زیندانی ببنەوە، لە چەند رۆژی داهاتووشدا ناویان ڕادەگەیەنرێت.
