لێکۆڵینەوەکان ئەوە ئاشکرا دەکەن، هاوژینان کاتێک بەیانیان لە خەو هەڵدەستن پێویستە یەکدی لە باوەش بکەن تاوەکو ڕۆژەکەیان باشتر دەست پێ بکەن.
پسپۆڕان لە ئەنجامی لێکۆڵینەوەکان بۆیان دەرکەوتووە، لە باوەشکردنی یەکتری لەلایەن هاوژینانەوە لە بەیانیاندا، ئاستی هۆڕمۆنی کۆرتیزۆڵ کە هۆرمۆنی گوشاری دەروونی و دڵەڕاوکێیە کەم دەکاتەوە و هۆرمۆنی دڵخۆشی دەردەدات. بۆیە بە سەرەتایەکی گرنگی دەبینن بۆ دەستپێکردنی ڕۆژێکی نوێ.
پەیمانگەی تەندروستیی نیشتمانیی ئەمریکا لێکۆڵینەوەکانی ئەنجام، دەرکەوتووە ئەو هاوژینانەی کە دوای هەڵسان لە خەو یەکتری لە باوەش دەکەن، رۆژێکی گەشبینانە و وزەی ئەرێنی زۆرتریان هەبووە لەو هاوژینانەی بەبێ لەباوەشگرتن رۆژەکەیان دەستپێدەکەن.
پێتی دیتزن، نووسەرێکی توێژینەوەکەیە و دەڵێت: لەئامێزگرتن هۆڕمۆنی ئۆکسیتۆسین لە هەردوو رەگەزەکەدا دەردەدات و هاندەرێکی باشە بۆ زیاتر خۆشویستن و بەهێزیی پەیوەندیی کۆمەڵایەتیی نێوان هاوژینان و ئەندامانی خێزان.
