شەوی ڕابردوو کەناڵی جەزیرە ڕایگەیاند؛ دوو پەیامنێر و دوو وێنەگرمان لە شاری غەززەی وڵاتی فەلەستین بەر بۆردوومانی ئیسرائیل کەوتن و گیانیان لەدەست دا.
شەوی یەکشەممە، 10ی ئابی 2025 کەناڵی جەزیرە لەسەر زاری بەڕێوەبەری کۆمەڵگەی پزیشکی شیفا لە غەززە هەواڵی گیان لەدەست دانی تیمەکەی بڵاوکردۆتەوە.
تیمەکەی کەناڵی جەزیرەی قەتەری پێکهاتبوون لە دوو پەیامنێر بە ناوەکانی، “ئەنەس شەریف و موحەممەد قرەیقەع”، هەروەها “ ئیبراهیم زاهیر و موحەممەد نەوفەل” وێنەگرانی کەناڵەکە لە بۆردوومانکە کوژران.
ڕۆیتەرز بڵاویکردۆتەوە لە 7 ی 10ی 2023 تاوەکو ئێستا 237 ڕۆژنامەنووس لەلایەن ئیسرائیلەوە کوژراون و بەتەنها 187 ڕۆژنامەنووسیان لە ناو شاری غەززە کوژراون، ئەمەش لە کاتێکدایە کە ئیسرائیل ڕەتی دەکاتەوە کە بە ئەنقەست ڕۆژنامەنووسانی کردبێتە ئامانج.
